நெய் அப்பம், NEI APPAM

நெய் அப்பம்

15 அப்பங்கள் செய்ய என்ன தேவை?

பச்சரிசி – 1 கப்
வெல்லம் – 3/4 கப்
தேங்காய் துருவல் – 4 மேஜைக்கரண்டி
ஏலக்காய் – 1
சமையல் சோடா – 3 சிட்டிகை
உப்பு – 1/8 தேக்கரண்டி
நெய் – தேவைக்கேற்ப

எப்படி செய்வது?

1. அரிசியை கழுவி, 3 மணிநேரம் குறைந்தது ஊறவைக்கவும். தண்ணீரை வடித்து, கெட்டியாக அரைக்கவும். 
2. வெல்லத்தை மிகவும் கொஞ்சமாக தண்ணீர் சேர்த்து உருக்கவும். வடிகட்டி, அரைத்த மாவில் சேர்க்கவும்.
3. தேங்காய் துருவல், பொடித்த ஏலக்காய், சமையல் சோடா, உப்பு சேர்த்து கலக்கவும். பணியார சட்டியை சூடு செய்து, 1/2 தேக்கரண்டி நெய், ஒவ்வொரு குழியிலும் ஊற்றவும். அதில் 3/4 பங்கு மாவை ஊற்றவும்.
4. மிதமான தீயில், மூடி வேக விடவும். சிவந்ததும் பணியாரங்களை திருப்பவும். 
5. இரு புறமும் சிவந்ததும், எடுத்து, சூடாக பரிமாறவும்.